كان بيشرح بقلم سامح لطف الله
كان بيشرح ع الخريطة
والامور في اللخبطيطة
والكتاب مالهش لزمة
وامتحان ف الكوستليطة
يا دماغ راح فين دماغك
الوزير هيجيب في داغك
انت فالح في الحقيقة
بابجي راح تملا فراغك
خير يا ابني الصح ايه
خيروك بين جيم وبيه
ولا دال بنت العبيطة
في الاخير راميينها ليه؟
فهلوة احنا اساسها
نقلبوا ديلها لراسها
واختيار من غير اجابة
دشدشوا روسكم بفاسها
لو نجحتم منتظركم
تاني برضه همتحنكم
امتحان اسمه القبول
برضه تاني مش عايزكم
التعلم باظ يا بيه
احنا عايزينكم في ايه
انت مجلس شورى تمسك
وانت للتموين يابيه
سيستم الدنيا ظبطنا
والجميع بقى تحت باطنا
راية بيضة ارفعوها
قمة الفنكوش ربطنا
التعليقات مغلقة.