كان على رمشي شعر مسعد البحراوي
كان على رمشي
من غير فلسفه بكتب شعري
علشان تفهمني مفهمتشي
سيباني أعيش عصري الحجري
وعايزاني ارسمها ولا دافنشي
كان على رمشي
لا ف مره اتأسفتي عليّ
ولا صونتي الماضي المتحضر
وحكمتي عليّ ابقى ضحيه
حكمك مصنوع مش متقدر
عوزاني ارسم لوحه فنيه
وماشوفتش منك لون أخضر
الفرشه ازاي من غيره تمشي
كان على رمشي
وياكي الحب بطعم الصوم
عاشق بتهدي عليه المعبد
بتحرمي نبض القلب يقوم
حتى وإن كان عاش لك يسجد
مقدرش أعيش دور المظلوم
مظلوم ازاي وانا جاي مسعد
ربنا عادل مابيظلمشي
كان على رمشي
أحفظ لك قاعده تحطيها
من غير ما قواعدك تتغير
ماهي روحي بتهدي اللي عليها
وبتاخد طوق بس صغير
وكأنه عشان حيوان وحشي
كان على رمشي
صليتي علي صلاة غايب
وانا قلبي مصلي عشانك شفع
حبك أنا فيه مالياش نايب
مرفوع من خانة قلبك رفع
ماتحسي اني العبد التايب
والمفروض إنك ليَّ النبع
ولاكي المولى على رمشي
كان على رمشي
اقرالك جزء ذكرتيني
حتى وان كان جزء صغير
علمتي كياني وتكويني
إني افضل اعيش ليكي مسير
وأكون إنسان بيكي معاشِّي
كان على رمشي
تعيشيها ببركة رب لطيف
وفؤادك يبقى مناه ربه
مهما اتكيتي الحمل خفيف
ماهو إنتي اللي المولى أنعم به
كل اللي ف بالي أعيشها شريف
صورتي اللي ف قلبي متدبلشي
كان على رمشي
الإيد من بوحك مهزوزه
علشان كده بس مرسمتشي
وعلى فكره انا معرفشي دافنشي
والله ف عين قلبي و رمشي
مرسوم لك صوره محصلتشي
والأخضر كان من بوح رمشي
كان منى رمشي
تشوفيها تقولي لي معلشي
كان على رمشي
التعليقات مغلقة.