كان فى بلدنا! …. بقلم حسن أبو عرب
كان فى بلدنا زمان فرسان
كات رِجَالَه وكان لها هيبَه
كات كلمتهُم زيِّ السيف
كانوا النسمه فى عِز الصيف
عُمر ماطلعِت مِنهُم عيبَه
اتربُوا على حُب بلدهُم
أرواحهُم والدم ضريبَه
كانوا القدوه الصالحه لجِيلنَا
كانوا البأس وكانوا الطِيبَه
كانوا مصانع للرجَالَه
كانوا ادين دايما شغالَه
كانوا بيبنُوا وكانُوا بيعلُّوا
ولايوم تعبُوا ولا يوم مَلُّوا
جِوَّه قلوبهُم قوه عجيبه
زرعوا الحُب فى كل الكُون
ظَلِّل شَجـرُه بقلب حنون
يغزل توب لبلدنا وهِيبَه.
التعليقات مغلقة.