كان ليا أب…
أشرف يوسف
كان ليا أب
شعر غنائي
كلمات : أشرف يوسف
كان ليا في الدنيادي أب
قلبي انشغل بهواه و حب
كان كل همه ف كل شئ
يكسب رضاك دايما يا رب
علمني إيه معني الحياه
وسمعت له و مشيت وراه
بوجوده كانت دنيتي
وف يوم ما فارق قلبي تاه
في قدومه كان يجي الأمل
و يصلي لله ركعتين
وف طيبته بيهل الحنان
و تحس بيه من كلمتين
طيب أوي و دايما حنون
علي وشه كل الخير يبان
و بحكمته يحلا الكلام
و الحب يفتحلوا البيبان
علشان كده سيرته الجميله
الطيبه في بلدنا ورد
بتفوح بأجمل عطرها
في الدنيا دي وما تسيبش
حد
كان كل شئ من حبه فيك
في حياته ليل ونهار يصلي
ويصوم وفي إيديه سبحته
و لسانه يستغفر تمللي
و الذكر ده كان شغلته
كان كل حاجه في دنيته
وصاني بيه قبل الوفاه
و نداني بيه في وصيته
و الحمد لله بالرضا
دايما بعيش علي دعوته
فيارب إوهبلوا النعيم
و افرشلوا بإيدك. جنته
فيارب إوهبلوا
النعيم
وافرشلوا بإيديك
جنته
الخميس بتاريخ ٢٠٢٢/٣/٢٤م
بقلم الشاعر : أشرف يوسف
من ديوان : شاعر و مشاعر
التعليقات مغلقة.