كان لينا امام بقلم حسن أبو عرب
فى ليالى البرد الشتويه
أنا كنت زمان
على قبة فرن مَحميَّه
أفرش وأنام
م اللمبه العشره وطبليه
حققت احلام
انا كنت باحب الناس تِمَّن
حتى الغلبان
كان قلبى الطيب لِسَّه اخضر
كما فرد حمام
مانا كنت العاشق سواقيها
وسَبَل حبلَان
ومواسم خير سَاكنَّه اجرانهَا
كات لنا عنوان
كان لسه الطير بينا بيصدَح
بأجمل ألحان
كات لسه قلوبنا على الفطره
كان لينا كيان
آدى تُوتَه بتحضُن صفصافه
وغصون لسلام
والنخل الشامخ كان بِطرَح
لبلدنا اعلام
كات دورنَا الدافيه تقَرَّبنَا
وتفيض بحنان
ومعُونَّا كتير كان بيجَمَّع
أحباب وجيران
كان لسه هناك فيه عفويه
وليالى أمان
كان لسه الديك فينا بيِدَن
كان لينا امام
التعليقات مغلقة.