كان نفسى اشوفك شعر عامية بقلم أحمد فؤاد الهادي
ـــــــــــ
(الأولى)
كان نفسى اشوفك وانت صغير
وأشوف رجليك لما تغير
وأشوف البامبر كان فيه أيه
شوكولاتة وللا مارون جلاسيه
وأبوسك ف شفايفك بوسة
والعب فى أديك الننوسة
ـــــــــــــــــــــــــ
(التانية)
وللا انت كنت نصيبة فى شوال
وامك بعدك حظها مال
وأبوك ودع أهله ومات
خاف لايجيلك تانى اخوات
نأبه ياعينى طلع على شونة
شافك نط من البلكونة
ـــــــــــــــــــــــــــــــ
أنت الأولى وللا التانية ؟
قول بصراحة مافيش حاجة تانية
عمر الإنسان مابيتغير
هو كبير كان أصله صغير
أصلك دايما يبقى معاك
وفي كل محطة بيستناك
ييخلى الناس تفضل كده حباك
ييخليهم من غير رحمة
يهروا بكل بساطة قفاك !!
ــــــــــــــــــــــــــــــــــــــــــــــــــــــــــ
التعليقات مغلقة.