كان نفسِي …شعر حسن أبو عرب
حجبتوا ليه القمر
ومنعتوا عنا النور
ياخلق عادمه النظر
الأرض رافضه تدور
كل القلوب الحجر
م القسوه صبحت بور
منعت نزول المطر
لما اعتلاها غرور
ماء الحياء انحسر
والبحر هاج بفجور
حجبتوا ليه القمر
ومنعتوا عنا النور
حتى الوباء انتشر
حول قلوبنا قبور
والدمع شَده الوتر
والناي حزين مكسور
كان نفسي اشوف الشجر
أغصانه حاضنه زهور
كان نفسي اشوف البشر
تشبه ملايكه وحور
حجبتوا ليه القمر
ومنعتوا عنا النور
باحلم يزول الخطر
والفرحه تملا الدور
مهي دنيا فيها العبر
فكن ياولدي صبور
وان متنا يبقى قدر
دي الدنيا جسر عبور
التعليقات مغلقة.