كبر عقلك
بـ قلم أسـمـاء الـبـيـطـار
كلمة يمكن بدأنا نسمعها ، من يوم ما عنينا فتحت على الدنيا
” كبر عقلك “
زمان طبعاً زي ما إحنا عارفين كانت الست بتجيب عيالها ورا بعضهم ، قال علشان ترتاح بعد كده ؟!
المهم مش دا موضوعنا
موضوعنا في الطفل اللي بيبقى عمره سنتين ، و أخوه اللي الفرق بينه و بينه يا دووب شهور ، تييجي الأم بكل بساطة تقول للكبير اللي لسه ما اتفطمش ده ، أو اتفطم ” غصب عنه ”
كبر عقلك
أنت الكبير
و بنطلع على الكلمة دي .
بنطلع على كبت ، كلام ، رغبات ، أحاسيس ، مشاعر ،
و في الأخر بتقلب بضياع حقوق !
و لو ابسطها ، الحق في المعرفة .
و ليه أكبر عقلي و هو مش مستوعب الأمور ؟
و ليه يضيع حق عقل إنه يكبر براحته مش غصب عنه ؟
على الأقل علشان يطلع سوى .
و ما نرجعش نشتكي و ” نعلل” من أول و جديد
في طفولة متأخرة ، و مراهقة متأخرة .
و دوول علاجهم مش سهل ، و مش بسيط ، و مش بين يوم و ليلة
هتلاقي بني آدم متجوز و معاه بدل الطفل اتنين ، و ليه علاقات
نسائية ، طلعت بقى أصغر منه و عاوز يعيش مراهقته اللي راحت منه !
أو طلعت أكبر منه و عاوز أم تعيشه طفولته الحقيقية !
مش فارقة .
و المشكلة الأكبر في البنت كمان لو طلعت على كلمة كبري عقلك دي !
لأن البنات يمكن بطبعها بتميل لأبوها .
فلما تكبري عقلها من صُغرها كده
هتلاقي تفكيرها عجز قبل الأوان
و ما تستغربيش لما تختار راجل مقارب لأبيها في العمر .
و المشكلة الحقيقية ..
لما تفوق و تلاقي نفسها في وضع مش حساها ، هتلاقيها بتدور على عمرها اللي راح و لو بذهدها في العيشة اللي عيشاها دي !
و مش هدخل في تفاصيل أكتر من كده عن البنت بالذات .
لأن حقيقي هيبقى الكلام صعب .
و الأمور اللي بتوصل ليها أصعب لو مش عاقلة .
الخلاصة ..
ما فيش حاجة اسمها كبر عقلك .
سيبوا العقول تنضج بأوانها ، بتجاربها ، أو بعمرها الفعلي على الأقل .
و لما العقل يكبر بما فيه الكفاية ، هتلاقي نفسك قدام إنسان تاني خااالص .
على الأقل يُعتمد عليه .
التعليقات مغلقة.