كتف الوجع…بقلم عبير عبدالمنعم
يخرب شيطانك ياجدع
ازاي على كتف الوجع
راسم في ضحكك الجميل
مية الف عيش..
يخرب شيطانك بالقوي
الدنيا بيك صغرت أوي
ضحكك ده عمره ما يتلوي
رغم اللي كان منها الوجع
مبتتلويش
يخرب شيطانك ياجدع
كام مرة وشوشت الودع
وضربت رملك بالقدم
وطلعت مية مليون جدع
مبيتنسيش..
يخرب شيطانك ع الملأ
أيه اللي خلاك تستبق
وتفت حزنك للدموع
سرقاك حلاوتك تتكوي
بالنار وفرحك يتشوي
والقاك بتضحك بالقوي
وتقول تمام
ميهمنيش..
ميهمنيش..
التعليقات مغلقة.