كتمة وجع
بقلم / نجلاء طاحون
أنا مد صوت مكتوم
من سجن روح الوجع
يصرخ يانبض الموت
ويهز قلبي اللي ارتجع
مين بس حايش صرختك
هز في جدارك قيدك
كتف نهار جاي من بعيد
حالف لليلك يترفع
زي الشراع في سكته
مادد طريقه مثبته
خط الألم مرسوم هنا
ماشي مايقدر يفلته
شايف جبل شامخ عنيد
يقدر يهد بقوته الكون
وسيول في قلبه بتكتسح
تنزف كما دمع العيون
كسر حواجز هدها
افتح بيبانك كلها
سمعني كلمة آه بصوت
يغلي..يصحي ف السكون
التعليقات مغلقة.