كداب
جمال زكى عينر
كداب
كدب كدبة وصدقها
وعاش فيها كإن بجد
وعيش نفسه في الأوهام
وساق فيها وزاد الحد
ويوم عن يوم بيتمادى
وكدبه ف دمه بقى عاده
وبقى نصاب فوق العاده
عشان مالقاش لا لوم ولا صد
يعيش في الدور اوي يمثل
ولا بينسى ولا يكسل
عشان يسبك اوي دوره
يعيد ويزيد ويسترسل
فضل ماشي ف طريق مغلوط
ولا بيسمع لأيها صوت
لا بيفرمل ولا بيرجع
كما إنسان رايح للموت
بقى يحلف بالف يمين
هوه انتوا مش عارفين انا مين ؟
وصدق نفسه واتورط
لحد ما يوم وقع في كمين
من الحرية راح محبوس
على الرجلين يوطي يبوس
بين المحابيس بيتذلل
بقى بينام مكان ما يدوس
ما اهو لو ماشي خط سليم
وجيبه مافوهش ولا مليم
لكن تكاله ع الرزاق
ما كانش طاله فخ لئيم
بقلمي الشاعر جمال زكي عينر
التعليقات مغلقة.