كدبك وشم بقلم نجلاءطاحون
فعز الفرح ليه ببكي
وعز الحزن ليه فرحان
يارسمه القوة جوايا
ومن جوه ببات غلبان
ياضحكه بنهر اوجاعي
وغرقانه ومش بتبان
يافرحة عين ومسروقه
ومصلوب دمعها وحيران
غريب ساكن هنا فيكي
وانا التايه لكن عشمان
تكوني لي ملاك رحمه
أموت ليكي وأنا إنسان
ف عز الحزن مشتاقلك
تداويني وأنا التعبان
ياضحكه بتهربي مني
وفاتحه دروبي للأحزان
تحني شويه وتجفي
لنبع الروح كما العطشان
بتوه عن دنيتي فيكي
لكن برجع كأنه ما كان
تشوريلي علي الفرحه
أتاري السكة للحرمان
يا حافره بصدر جدراني
شقوق تنزف كما الشريان
بداري الحزن اه فيكي
ياريتك ليا بر أمان
لكنك زايفة كدبك وشم
ومتغطي وجع عريان
التعليقات مغلقة.