كذابة …
سيد جعيتم
شعر غنائي
كذابة
بتوعديني بالقرب مني
وتعذبيني بالبعد عني
ولما اقابلك بتسأليني
أياك تكون زهقت مني
ياللي ساكنة جوه روحي
جوه مني ف قلب قلبي
والأمل بيزيد ف نوحي
والوجع بينزف جروح
بعدين ياقلبي لحد أمتى
صابر ومش قادر تداري
جارت عليك ولسه شاري
وتقول لغيرها أزاي أغني
غصب عني بخفي وجعي
وف عيوني احط ضحكه
وانسى غلبي وكتر نوحي
أما تهمس لي همسة
لسه قلبي عايز يسامح
والمسامحة زي قمحة
عايزة تشرب م المحبه
وكل يوم تطرح سنابل
كل يوم اقول ابارح
التقيكي ف المطارح
مهما اشرق أو اغرب
ساكنه لسه بين ضلوعي
بقلم: سيد جعيتم
جمهورية مصر العربية
التعليقات مغلقة.