كرباج على ضهر القلق…
بقلم عبير عبدالمنعم
بطلت تهرب للمجاز..
وبقيت عديم الانحياز
ووقفت فوق كعب الكلام
درويش وخايف م الدفا
خايف تموت أو تنكسر
الخوف ضميره مستتر
تقديره موت وبامتياز
الليل زهق من شكوتك
فبلاش تكون من ضمن فوج
أعرافه واقفة مطولة
ماهو لو تحس بمحنتك
تلمع عينيك زي الأزاز
انفد بجلدك م اللي جلدك
وافتكر!!
ذاتك، دي حبل متين اوي
كرباج على ضهر القلق
فازاي تكون جلاد جريء
وحبل ذاتك يشنقك
التعليقات مغلقة.