كرهتك فجأة شعر عبلة العربي
كرهتك فجأة..!
وكرهتك فجأة ومش عارفة
ليه كرهت الدنيا معاك يومها
ليه شفت آلامها وأحزانها ..؟
وأنا كنت ما أشوفش إلا جمالها
وكرهتك فجأة..
وكرهتك فجأة وكان عمري
ما هافكر يوم إني أسيبك
كان دايما حبك يظهرلي
ويقولي : مفيش غيري حبيبك
لكن يا خسارة الأحلام
فضتها بسرعة الأيام ..
والغدر الباين ف عيونك
نساني معاك أي كلام ..
كان عمري ما أفكر يوم إنك ..
إنسان بتاجر بمشاعرك ..
إنسان مش عارف ف الدنيا
غير إنك توصل لمطالبك..
وحقيقي أنا بالعن أيامي
اكمني ف يوم منها .. قابلتك !!
التعليقات مغلقة.