” كسر الاحزان ” كلمات/ اشرف الشناوي
لما تقفل دنيتك
كل البيبان
لما جرحك يوجعك
ازرع غيطان
وابدر الياسمين وصلي
حتى لو من غير ادان
واوعى جرحك يتفتح
يملا المكان
واسقي روحك بالموده
بعدها تحس بأمان
كسر الاحزان وعدي
واوعى ترجع
للي باعك مهما كان
الحياه من غير اماني
تبقى فاضيه من المعاني
زى بيت مالهوش بيبان
كمل المشوار اغاني
واوعى تضعف
لو ثواني
او تكمل يوم جبان
بكره يجي الفجر شايل
ضحكه ترسم دنيتك
كمل المشوار وحاول
تلقى تاني سكتك
وسط الطوفان
لما تقفل دنيتك كل البيبان
غطي روحك باللي باقي
من عيدان …………..
التعليقات مغلقة.