كشف حساب بقلم احمد زيدان البلياتشو
اوقات الوقت ال مش معلوم
يحسك وانت مش حاسس
جبل عالي ، لحد غيوم
بلون اسود
و سرب نسور
بياكل عمرك المفروم
و ينهش فيك بدون إذنك
تحس الوقت
أنه عقاب
على الغايب
على العايب
و ع الاحباب
تحس حياتك اتقتلت
بدون اسباب
تحس الدنيا مش هيا
تحس ان انت متفائل
و متشائم في ذات الوقت
يفوت القطر قدامك
تحِسك وقت مش ماشي
تشوف الوقت سجانك
وتنسي كنت فين دلوقت
و تلقي الحزن خدامك
و انا شاعر بكل ما فيك
و ألمي بيعكس الصور
كفيف زيك
لكن في الزي مش زيك
انا شلتك و شيلتك
و عمري ما شلت يوم شيلتي
ف شيلتك كانت الاتقل
و دايما كنت مش لامحك
وانا محني و ب المحني
و لا حاسك تشيل فيا
و هات العقد و النيه
وشوف مين اللي كان شاري
و مين ساوم عليك غيره
و مين فارق بكيف قلبه
ومين بالغدر باع طيره
ومين بالفرض كان باقي
و هات اخرك
هتلقي ضمير معذبني
علي طيبتي
ب انام و اتغطي بالراحه
و ب الراحه انا شايلك
التعليقات مغلقة.