كفايه هزار بقلم / أحمد زيدان البلياتشو
ب اكتبلك و انا ماسك عمري
و ع الايام شهادة حق
يجوز الجاي يكون احسن
وكان احسن تقولي الحق
و حق الحب تقديره
و لو كان الحساب بالمثل
لا كان يبقي العتاب غايب
ولا يبقى الكلام ب الزق
و شق الشق في ضلوعي
وانا طوعك ومش طوعي
و رغم غرامك الزايف
أنا مصدق بانك حق
و طول ما الدنيا دواره
و اماره يا نفس السوء
ده فيكي الطيبين رخصوا
مع الباعه ف قلب السوق
وانا مش راعي ولا سنيور
ولا واحد من الأعيان
ولا ب اعرف اقول بونچور
ولا محسوب من الشجعان
و قيدى هو افلاسي
و حظي فيكي كان ناسي
يدون اسمي في المواليد
أنا المرسوم علي الصورة
تملي بعيد
و رغم هزارك البايخ
و صدك ليا ب استمرار
لكن ب اختار ، اموت فيكي
التعليقات مغلقة.