كلام الشعر…
أشرف يوسف
كلام الشعر
شعر ساخر
كلمات : أشرف يوسف
لا عاد تفعيله ولا أوزان
ولا مضمون ولا قافيه
كمان في الشعر
بتجاملوا
وبتجيبوا الكلام عافيه؟!!
عجيبه يا دنيا أفعالك
وبكره لسه ياما نشوف
كلام الشعر بقي فيكي
بدون إحساس و رص
حروف !!!
كمان الشعر في زماننا
بقي بالكدب و الواسطه؟!!!
و شعرائنا الكبار نايمين
في ضل الحيط علي
البصطه ؟!!!
تراهنوني ان أكترهم
لا يعرف بحر ولا أوزان؟!!!
ولو بإيديا السوعهم
يا بالكرباج يا بالخرزان؟!!!
بقي اللي يكرموه منهم
لا هو عارف ولا معروف
و بيقولوا عليه شاعر
وآخره يادوب يرص حروف!!!
وصورته في كل شئ واضحه
يا بالتكريم يا بالتقدير
وآخره ينام علي الكنبه
و يشبع كل ليله شخير!!!
ياناس فوقوا من الغفله
وقولوا الحق في التعليق
بلاش ليكات بلاش إعجاب
علي الفاضي ومن غير شئ
ومتجاملوش دا انا منهم
ليوم الدين بجد بريئ
ومتجاملوش
دا انا منهم
ليوم الدين
بجد بريئ
الأربعاء بتاريخ ٢٠٢٢/٣/٩م
بقلم الشاعر : أشرف يوسف
من ديوان : شاعر و مشاعر
التعليقات مغلقة.