كلب و سعران بقلم محمد مكاوى
يللى بإيدك جبت العار
ليك ولأهلك حتى الجار
ليه بتذيع كدب الاخبار
قصدك يعنى تبنى جدار
بنا و بين جيشنا المغوار
ولا ف نفسك تبقى دمار
دانت بتكره اى عمار
جبت منين سوء الافكار
كلها ليل ولا ضى نهار
فاكر كدا تبقى اعصار
تزرع شوك تقلع ازهار
حامى مصر إله جبار
طب مش فاكر حاجه زمان
راجع م المدرسه و جعان
و الأم تقابلك بالأحضان
لعبك ويا ابن الجيران
ولا فاكر لمة رمضان
صوت رفعت قبل الادان
فزورة نيللى و شريهان
منتش فاكر حاجه كمان
شيخ سيد لما بيسحر
وانت لوْش الصبح بتسهر
متمشتشى مره ف الازهر
طب و ماقولتش الله اكبر
وما كلتش دره ع الكورنيش
طب ماسمعتش ثومه بشويش
ويا حليم مش بتعيش
اهلى و زمالك دراويش
كله على بعضه دا مفيش
دانت خساره فيك العيش
مش هتكون عمرك انسان
لا هتعيش كلب و سعران
…………………….
التعليقات مغلقة.