كلمني حبة كلمات : محمد كسبه
كلمني حبة عن نفسك
و إكدب قد ما تكدب
أنا محتاجة أسمع لك
و أضمك ف حضني و أطبطب
أنا عارفة إنك اتغيرت
و رجعت لي بعد ما توهت
و أنا لسه أوي بحبك
و بخلص لك ف كل الوقت
يا حبيبي من غيري تتعذب
و مين غيري يتحملك تغضب
بتبعد عني و أنا إللي اشتاقت
أشيل همك وأنا إللي اتعب
يا سارق قلبي أنا بهواك
يا عاشق و القلوب خايناك
بترجع لي وحيد و حزين
و حنين قلبك لناس بايعاك
يا روح قلبي أنا انسان
بضمك بكل شوق و حنان
بتملا حياتي شجن و أنين
و بتاخد الفرحة و بتسلمني للأحزان
يا قلوب م الحب مرتاحة
يا حبيبي تعبت بصراحة
الدنيا فيها كتير ألوان
ولكل لون حد و مساحة
التعليقات مغلقة.