كله علي الله غنوة شعبية كلمات الشاعر :أشرف يوسف
كله علي الله وحسب التساهيل
حتي ولو كان البخت قليل
بكره ح تتعدل ويانا
ما هو برضه ياناس الصبر جميل
كله علي الله
وحسب التساهيل
فيها إيه لو كنا نخاف على بعض
ونعيش أيام الهنا و السعد؟!!
نوعد ولا نخلف أبدا وعد
ونقول في كلام الهوي مواويل
كله علي الله
وحسب التساهيل
وهناخد إيه م الدنيا عشان
نغرق في بحور دمع وأحزان
ونسيب للهم ما بينا مكان
ودموعنا ف كل دقيقه تسيل
كله علي الله
وحسب التساهيل
ياصباح الهنا يا مساء النور
ياجناين ورد داير مايدور
ومدام الود ما بينا شعور
لا ح نزعل من بعض ولا نشيل
كله علي الله
وحسب التساهيل
طالعين من بدري ورزقنا جاي
إن شالله ومن غير ليه و ازاي
وبتحلا القاعده بفنحان شاي
مع ضحكه تخلي العمر طويل
كله علي الله
وحسب التساهيل
حب اللي يحبك و بإخلاص
ما تقولش كلام في الهوا وخلاص
دا الحب شعور بتقدروا ناس
مش كدب ياعالم ولا تمثيل
كله علي الله
وحسب التساهيل
ومدام بنحس ببعض أكيد
والإيد نلاقيها ف حضن الإيد
أيامنا الجايه هتصبح عيد
ولا عمره ح يبقي الحمل تقيل
كله علي الله
وحسب التساهيل
.
الخميس بتاريخ ٢٠٢٢/١٢/١٥م
بقلمي : أشرف يوسف
التعليقات مغلقة.