كله يساعد
بقلم.. صلاح شعبان الفيداوي
==== كله يساعد ====
لو أنا ف الدنيا حيلة
وبأشقى كل يوم
أجيب منين ياعيلة
أكل وشرب وهدوم
دا واحد عيان ياعيني
ودا مقضيها نوم
الكل يقوم بإيده
ويساعد نفسه يلا
ولا حد راح يفيده
هيلاقي أرزاقه هلا
قوم وأعرق ياعم
وشيل معايا الهم
وخف عني الهموم
الإيد الشغاله نعمه
والسعي ع المعاش
خير وبركه ورحمة
ولا عايز تعيش بلاش
لا يابني قوم واسعى
وساعتها تكون رجولة
ولا عندك أي لوم
وتكون شهم وبطولة
مش تقضيها نوم
التعليقات مغلقة.