كل البشر مية و طين
بقلم الشاعر حسين دردير
كل البشر مية و طين
بس انتى ليه من ميتين
ف عنيكى نوصل للسما
قلبك يجيبنا عطشانين
ساعات تكونى مغرمة
و ساعات تكونى بين و بين
نتقل تقولى كل شئ
نسأل تردى بكلمتين
نسهر تنامى م العشا
نغفل تقولى رحتوا فين
غاوية الدلع ساعة يدوب
حبك يا سكر فى القلوب
قلبك ملاك لكن صبح
عاصى و مش عايز يتوب
يا مقربانا للنجوم
يا متوهانا فى الدروب
قلبك بيكفر بالهوى
و احنا اللى بنشيل الذنوب
التعليقات مغلقة.