كل الصعاب عدت بقلم شيماء الشيخ

كل الصعاب عدت
كل الوجع متشاف
دمعك ضعيف لكن
قلبك قوي وشفاف
ما بين ضلوع الندم
رافض تكون مهزوم
راضي بأوامر القدر
والعمر عدي ف يوم
ما بين ضلوع الندم
قلبي بيتكسر
منين يعود الزمن
دي اللحظه بتأثر
هات الوجع واعزف
أجمل قصيده شعر
اصل الجمال ف الشعر
دايما بيبقى حزين
كتر معاني الحزن
وارمي الحروف ف النار
قلبك معادش حزين
قلبك كما الاحجار
قلبك ما عادش ابيض
اسحب بقلبك دموعك
ياريت تخبيها
الضعف ضعف النفس
بلاش تجاريها
جمع حروف الألم
واعكس نواحيها
هتلاقي بدل الندم
كام امل فيها