كل شئ سيكون عادي إلا

كل شئ سيكون عادي إلا

بـ قلمي / أسـمـاء الـبـيـطـار

ديماً نلاقي كتير مننا بييجي في مرحلة من عُمره كده ، و تلاقي كلمة عادي دي على لسانه أسهل منها ما فيش !
يمكن إنت تستغربه لو سنك صغير شويتين !
يمكن تقول إيه البرود اللي هو فيه ده !
يمكن تحسبه إنسان فاقد للإحساس !
يمكن ، و يمكن ، و يمكن

لكن نصيحة ما تحكمش على حد إلا لما توصل لمرحلته العُمرية .

و بيني و بينك الأفضل ما تحكمش عليه ، لإنك اكيد مامرتش باللي هو مر بيه ووصله لمرحلة ” العاااادي ” في كل شئ ممكن تتخيلها .

و حقيقي كل شئ قدامك ممكن يمر مرور الكرام ، و لكن الشخص إياه الذي أصبح كله شئ بالنسبه له عادي إلا من ..

الفقد .. سيترك هدَّه في روحه و لن تعود كما كانت !!

سيمر كل شئ مرور الكرام .
إلا نظرته لمن كانوا كـ الجبل أمامه ثم رأهم كـ الأطفال .
و سيتركون في قلبه وجع لا تُداويه الأيام !!

سيمر كل شئ مرور الكرام ..
إلا من خذل روحه و ثقته.
سيظل بينه و بينهم حااااجز نفسي مهما مرت الأيام و السنين و العُمر كله .

كل شئ سيمر إلا ما في القلب سيبقى كما هو مهما قُلنا .
و عندما نقول كل شئ اصبح عاااادي .
فنحن نعنيها لأننا مررنا بكل شئ .