كل عام والصبر طيب
معوض حلمى
……………………….
كل عام وانتم بخير
للي وفى
واللي مات فيه الضمير
كل يوم ترمينا محنه
واحنا لسه زي مااحنا
م الغباوه تزيد جروحنا
والمشاعر تستجير
كل عام وانتم بخير
كل عام وانتم بخير
للي وفى
واللي مات فيه الضمير
كل عام لازما نهني
كل يوم بنزيد تمني
بس فينا حد جني
العوبان سادي وخطير
كل عام وانتم بخير
كل عام وانتم في سعد
للي آمن
واللي خاين كل عهد
كل عام بيموت قرايب
و تفارقنا كتير حبايب
بس فينا الطبع غالب
ندفن الأموات
ونرجع ناكل لحم بعض
كل عام وانتم في سعد
كل عام وانتم تمام
بعد عام بيهل عام
ينتهي العام اللي قبله
بس سايب فينا حبله
كل واحد عقله طاب له
خيره شره ده التزام
كل عام وانتم تمام
كل عام والصبر طيب
للغوالي واللي عيب
واللي خاين ليس منا
واللي صان العشره بينا
حقه يسكن نن عينا
ولقلوبنا يكون قريب
كل عام والصبر طيب
كل عام للغالي هاحبي
واللي واجعين ليا قلبي
برضه ليه النصح واجب
ليه نكابر او نعايب
واحنا راكبين الركايب
راح نقابل وجه ربي
كل عام للغالي هاحبي
………………………….
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.