كل عام وانتم بخير … شعر أشرف الشناوى شاعر عاميه البرامون
صول مطاوع
عسكرى احمد بدير
كل عام وانتم هنا
حامين بروحكم ضهرنا
كل عام وانتم امان
قلب مليان بالحنان
كل عام والضحكه طله
فوق وشوش الطيبين
اللى شالوا الحلم لما
شافوا وشك يوم حزين
اللى جابوا نهار وضحكه
وحلفوا الف وميت يمين
مايسبوكى لحظه واحده
للديابه الطمعانين
كل عام وانتم بخير
تبقوا ليها حمام وطير
تبقوا نخل ونيل بيسقى
للاراضى العطشانين
كل عام وانتم سكارى
وف هواها متيمين
اللى عاشق فيها ضحكه
واللى عاشق فيها طين
كله دايب فى المحبه
كله دايب فى الحنين
كل عام وانتى بهيه
ليها ميت مليون ياسين
كل عام وانتوا السنابل
عالرحى ساعة الطحين
كل عام وانتم بخير
مصر غيه وانتوا طير
كل عام والضحكه باقيه
زى ساقيه فى الغيطان
كل عام والسد عالى
لما يعلا فى يوم طوفان
كل عام ياوشوش نشوفها
نحس دايما بالامان
كل عام وانتم بخير
مصر غيه وانتوا طير
كل عام وانتم بخير
مصر غيه وانتوا طير ……
التعليقات مغلقة.