كمان خبطة بقلم سامح لطف الله
خبطت الباب كمان خبطة
وإيدي تعلَّق الأجراس
ومستني يدوب طلة
وحابس قلبي والأنفاس
سمعت الأكرة بتزقزق
وجسمي إبتدا يعرق
وعقلي في الهوي يغرق
وتفتح بابها كالمفرق
يضيع مني كلامي يا ناس
دانا حافظه وبالكلمة
وعينها تبص في عيني
تنسيني وترويني
ما تدخل يلة إتفضل
تبحلق لي هنا أفضل
وتتمختر في مشيتها
ولفتتها ورقتها
تدور الأرض أقوم أدخل
وسايب روحي علي بابها
بتتلخبط وبتخبط
وحاطة إيديها ع الأجراس
التعليقات مغلقة.