كنا عيال “عامية” بقلم علا فياله
كنا عيال
والحلم يادوب ما بين جدران
كان سقف طموحنا
نخلص واجب مس إحسان
كنا pure جداً و cute
كنا بنلعب أولى و ليدو وقطر بصوت
كان ضحكنا و هزارنا مسلسل مابيخلصش
مفيش معلش يا صاحبي عشان
كلنا ف اللعب أكيد اخوات
كنا ساعات بنسيب أسامينا ولاد و بنات
ع الحيط (( أل إيه ) علشان ذكرى
وبنرسم حلم سحاب وطيور
…ونشوف النور ….يطلع بكره
الفكرة… إننا بأقل حاجات ..
فرحانه قلوبنا ودفيانه
عارفين الدنيا حالات وحالات
فساعات تندهنا وتنسانا
وقلوبنا بتهرب م الأوجاع .
.لو جاع القلب لناس صادقين
عارفين اننا مش راح نبعد
كانوا كل الناس م الطين طالعين
راضين بالحاله أما بتعند
وأهو عادي كبرنا وقلبنا شاب
والمعنى إننا بالقلب شباب
بالروح صدقني فضلنا عيال
التعليقات مغلقة.