كنت بحلم …
أشرف الشناوي
كنت فاكرك حلم لكن
حلم ساكن فى البيوت
حلم مش ممكن يموت
حلم بيصحى اللى فينا
حلم بيهز السكوت
حلم بينور حياتنا
نلقى فيه كل إللى فاتنا
لو قدرنا فى يوم نفوت
كنت فاكرك شمس دافيه
تحضن الروح والقلوب
ترسم الضحكه اللى باهته
لما تشتد الحروب
كنت فاكرك نور وضله
لما باحتاج الامان
ليه تسيبى القلب وحده
وسط احزان الزمان
يلقى خوفه جوا منه
يحصد الخير م الغيطان
كنت بحلم يوم اشوفك
زى مانتى عود ريحان
ليه بقيتى سجن عالى
أعلى حاجه فيه حيطان
ليه تبيعى الحلم الأخضر
تخسرى بيه الرهان
نفسى احلم بيكى مره
غيه تشغى بالحمام
اللى نايم واللى طاير
كله حاسس بالسلام
كله راجع غصب عنه
يرمى ندره فى المقام
ليه تسيبى الحلم يهرب
دى الحقيقه مش كلام
كنت فاكرك حلم لكن
بس مفتوح البيبان
انكسر قلبى اللى حبك
قبل مايحس بحنان
ليه تسيبى الورد فيكى
ينقطف قبل الاوان
ليه تسيبتى الشوك بيكبر
يسرق الروح م العيدان
كنت بحلم القى فيكى
حلم يشبه للادان
حلم بيلم فى شتاتنا
زى ما عرفتك زمان ……….
اشرف الشناوى
شاعر عاميه
البرامون
التعليقات مغلقة.