كنت زمان بقلم هالة علي ابو الذهب
كنت زمان حلوة بفيونكه ملونة
وشريط حرير يلف كول المريلة
كان همنا أنا والصحاب
نفتح كتاب أو حتى حل المسألة
حفظ النشيد.. فستان جديد
توكه جميلة وسلسلة
كان عذرنا إن الصغار مبيفهموش
كلمة مفيش
أو إن دي ما بتساويش
دنيتنا كانت سكرة نشربها جوه كوبايه
لعبة عروسة ويا عريس
جوه غنوة وحكاية
كان حبنا لقمة وغموس
شمعة ف فانوس
في ايد صغار حينا
كبرنا … كبر همنا
ضاع حلمنا
صار التراب يملا عينينا وكفنا
صار السؤال من غير جواب
حتى العتاب أصبح كمان مش حقنا
ياريتنا فضلنا صغيرين
جوه السنين
ولا ضاعش منا حبنا لبعضنا
…..
التعليقات مغلقة.