كَفَن القَبر …شعر حسن أبو عرب
للتوثيق
لابس تُوب ليه غير التُوب
يا اللي ماشيها بالمقلُوب
لبن البودره غير السرسُوب
والسرامِيك مش زي الطُوب
دا التفاح لو كان معطُوب
بصَلَه بعينُه وهِيَّ يدُوب
فيها الفايده والمطلوب
هِيَّ الحسنَه زي ذنوب
ربك يبني رب قلوب
ارضَى بحَالَك والمكتوب
لو هتدبر مية ملعُوب
تنهَب ..تلهَف مال مسلُوب
منتاش غالب بل مغلُوب
كفن القبر ملُوهش جيوب
كفَن القبر ملُوهش جيُوب
التعليقات مغلقة.