كِرهت التعالب …بقلم أحمد شاهين
كِرهت التعالب
يا كٌتر المقالب
صحابى اللى كانوا
فى علُو الكواكب
خانونى وباعونى
وبكوا عيونى
وعاشوا بدونى
فى عِز المناصب
كِرهت التعالب
وبانت حقيقه
قويه وجريئة
عيونى البريئه
بتطفى الكهارب
ِكرهت التعالب
فقير الصحاب
حقيقته سراب
دا فاشل وخاب
ما عندوش مواهب
ِكرهت التعالب
عايرتوا بظروفى
وهمى وخوفى
ما كنتوا فى صفوفى
وكنت المحارب
كِرهت التعالب
يا كٌتر المخالب
بتظهر وفجأه
مع كل غالب
كرِهت التعالب
كِِرهت التعالب
ِكرهت النفاق
ومين اللى سايق
فى كٌره وغباء
ومين اللى خالف
بنود الإتفاق
ومين اللى فرط
فى حقه وسايب
كرهت التعالب
وقلبى المشاغب
تملى بيهِتف
ويطلب مطالب
وواخد دروس
فى دنيا النفوس
تملى يبوس
فى بكره اللى غايب
ًِكرهت التعالب
ِكرهت الخداع
وكل اللى خاين
بقول له وداع
هفارق طريقك
ما كونتش صديقك
ولو هتصادفنى
وتعِمل عارفنى
هكون لك سراب
يا أغلى الصِحاب
يا عّز الحبايب
كرهِت
التعالب
كلمات أحمد شاهين
التعليقات مغلقة.