لأول مره… شعر حسن ابو عرب
أصبحت الدنيا غير الدنيا
ما خلاص جوانا مات الإنسان
ولأول مره بَكُون خايف
وبَكُون قلقان
متوتر تايه متغرب
مش لاقى أمان
وبفَتش عن فرحه يتيمه
ملهلش عنوان
مخطوفه فى بحر الظلم هناك تايهَه
وعليها سجان
كثبان وصحَارى بتحجبها
وموانى مدَايِن منفِيَّه
فى بحر النسيان
مُن زمن الطِيبَه ما ودعْنَا
وقطعنَا الأرحام مزَّعنا
ونسينا المولى وسبَّحنا
بحمد الطغيان
دا السهم المسموم بافكارنا
شيلَاه الريح وواصل دارنا
غَيَّر ملامحنَا وأطوَارنا
خلانا نبيع حب الأوطان
ولأول مره انا بعلِنهَا
كلنا بنهِد ف بُنيانهَا
ولا عتش إيمان !!
التعليقات مغلقة.