قصيده لامسه النبض بكفوفك
بقلم شريف عادل
انا المطلوب اكون ملكك
واكون شكلك
واكون دارك
وانا المصلوب على عنيكي
وكاتم كل اسرارك
ف ماتموتينيش
وماتشوفينيش بلون البحر وعواصفه
وطعم البعد وعواطفه
شيليني من ساعات الشوف
وخبيني
في افكارك
أنا مسامحك
عشان أمشي ما افكرشي
في شيء تاني سوى
حبك
عشان أيامي تستنى
عشان أطلع لك
الجنة بعمل صالح
فتغفر لي السما ذنبك
يا لامسه النبض بكفوفك
وانا صياد بدون مركب
عينيا لما بتشوفك
نظام الدنيا يتكركب
يا راسمة في السما ضحكة
يقلدها القمر بالنور
يا روح بتعلم السكة
كسرتي بنظرة
مليون سور
انا مغرور عشان خطوة
مشيناها أنا وانتي
طبيعي اللي لمس روحك
يعيش مغرور
التعليقات مغلقة.