لاموني الناس…
جمال زكي عينر
لاموني الناس وقالولي
خلاص سابك ومش فاضى
وحبك راح على الفاضى
وقلت لهم بتشمتوا ليه
حبيبي وبرضه قلبي عليه
وبالمكتوب انا راضى
وقلت مسيره يرجعلي
واجري عليه ويندهلي
وآخده بشوق ف احضاني
وترجع فرحتي تاني
طلع كداب مالوش احباب
لا فكر فيا ولا جانى
داريت الدمع ف عيونى
من الناس اللى لامونى
وقلت ده مهما حيطول
ده عمره ف يوم ما يتحول
وحيجينى قصاد عيني
نعيد العمر م الاول
لقيت نفسي بعيش احلام
مع الذكرى مع الأوهام
وبوصل فى حبال دايبه
وروحى برضه مش تايبه
عن الخل اللي خان عهده
عن الجرح اللي كله آلام
وكنت لا بد اعيش يومي
وابدد حزني وهمومي
واقفل عندي اي حساب
يفكرني باي عذاب
وأبطل اعيش امل كداب
وافوق من غفلتي ونومي
وكان لازم اشوف نفسى
واخلص روحى من ياسى
والملم همي واسايا
واداوي جرح جوايا
وانسي زماني والماضي
وانسى اللي جرى ف امسي
بقلمي الشاعر جمال زكي عينر
التعليقات مغلقة.