لحظة في قرب الله بالكون…بقلم الشاعرة الأستاذة عبير عبدالمنعم

لحظة في قرب الله بالكون…بقلم الشاعرة الأستاذة عبير عبدالمنعم

لحظة ف قرب الله بالكون
هُوا الضَهر وهُوا العون
مين من غير الله هيكون
تتفتّحله السما والأرض
فجأة ف وسط الشدة يكون
فرجه قريب والمضمون

قرب منه تعرف إنه
هُوا الصمد الأحد الفرد
إسجد واحكي عن أسرارك
هُوا العالِـم بيك وبحالك
نورَك هُوا ف ليل ترحالك
فين ما تروح بالطول والعرض

لحظة ف قرب الله بالكون
هُوا الكافي وهُوا العون
إللي ما بينا وبينه كبير
وما تسألشي ازاي أو ليه
رَبَك عالِـم وحده وشايف
كل الدنيا دي ملك إديه

كل الدنيا دي زيف كداب
خليك فيها من الأغراب
ليه بتعافر فيها وتغفل
خليك دايما م الأحباب
إفتح قلبك واعبد ربك
مَرّغ روحك في الأعتاب

لحظة ف قرب الله بالكون
هو الهادي وهو العون
هو الرازق هو الواسع
كل الضيق بالذكر يهون
إرفع إيدك .. إيه هيفيدك
لو تبعد عن باب الجُود ؟!

قوله : تعلم بالأحوال
مين غيرك يِصلِحلي الحال ؟!
مين يعلم بي وواقف جنبي
أنا عابد وانت المعبود

لحظة في قرب الله بالكون
هُوا العِـزوَة وهُوا العون
في صلاتي وف صيامي الجأ له
قلبي متعلق بيه وحده
بسجد له.. بنسى الدنيا دي
وبصلي وبمدح في الهادي
والدنيا دي في حُبه تهون
لحظة في قرب الله بالكون
هُوا السند وهُوا العون