لساك إنسان …بقلم الشاعر محمد عبد الفضيل
قلب صفحاتك
وإتمني
يوم زي زمان
دا مكنش في يوم
راح تستني
حاجة من إنسان
كنت علي ربك متعود
زاهد وفي قلبك بتوحد
غفار رحمان
إيه اللي جري لك متفوق
نساك الأ صحاب
غايب في الغم وفي الأزمة
عايش علي الخط ماليك لازمة
وفي وسط الفرح بتتريق
مستكتر نفسك علي ناسك
وشك مكسوف من غير كسوة
دا إنت من غيرهم ولا تسوي
ومالكش أحباب
والوش التاتي من كدبك
فضحك وآهو بان
أما أنت جبان
تلاتيل الهم ما تعرفها
وغيرك بيشيلها ويألفها
كده تقرف فيه وبيقرفها
بتضيق في عينيه لما يشوفها
يتمني في لحظة يحذفها
ويرجع لزمان
والماضي ما بيرجع حاضر
ولا شمس إمبارح هتعود
الدنيا بتحترم الشاطر
أما الخيبان بخته مدود
ولا حد هيعملك خاطر
تفضل علي ذلك متعود
والحال عدمان
والشعر الأبيض جاك بدري
وبيرسم ثلجه علي راسك
تجاعيد الجلد جاية بتجري
وعينك بتدور علي ناسك
تايهين وبيجري ورا المجري
والترسو جاي علي مقاسك
دا بيعلي في زمانا الغجري
أما أنت هتزهق أنفاسك
وبقولها ودي وجهة نظري
في زمانا معدش كده حتما
رحمة لإنسان
في زمانا معدش كده حتما
رحمة لإنسان
التعليقات مغلقة.