لسه الخطاوي بقلم نجلاء طاحون
لسه الخطاوي ف
حلمنا مع كل فجر بتتولد
راسمة الغناوي ع
الوشوش تلقاها في ضحكة ولد
او بنت غازله
شعرها زي الضفاير من وتدد
لساك يافجر بتبتسم
خلف السكون رافض هدد
لساك يا عودي بتنحني
زُوَّادنا من عزم وجلد
مد الخطاوي والكفوف
دندن غناوي ع الدفوف
لم اللي باقي ويللا طوف
متقولش قتلاني الظروف
لسه المكان لسه الزمان
لسه الحنين جواك سند
حالم لبكرا ازاي يكون
جدران عزيمة بتتولد
التعليقات مغلقة.