لسه العدد عشرة قلم سامح لطف الله
عنتر يشوف الويل
ساب اللجام بدري
وخيوله نازلة الميدان
وعلى الله راح تجري
يا صبر طال الليل
عجِّزتْ يا صبري
فين الشوال أدِّيك
م القمح كام كيلة
بقرك يا مصر عجاف
مش قادرة ع الشيلة
يا أرض ناشفة الطوب
مستنظرة المطرة
يوسف أبوك يعقوب
عايزة العيون قطرة
دابت حبال الشوف
جفت منابع نيل
وبتنشف الخضرة
قلب السحاب والجوف
مفيهوش ولا قطرة
يوسف قميصك فين
للقلب هينور
والنور يعود للعين
يمسح جبال حسرة
إمتى يا رب وفين
هنعد للمية؟
دنا لسه عز النوم
لسه ب عد في عشرة
التعليقات مغلقة.