لقاء آخر ” الجزء الاول “…
أحمد زيدان
و جت لي رساله عبر الفون
وانا في الشغل و مطبق
فتحت الهاتف المحمول
لقيت منها السكوت سطرين
و سطر اخير
بصوت خوفها بيتكلم
ضروري أن احنا نتقابل
و دون ما ادري
وانا ساكت
ياخدني الوقت ع الذكري
و بتأمل سنين فاتت
رجعت بسرعه ع التليفون
و بتأكد !
حقيقي رساله جات منها
و شفت رقمها قدامي
قريت السطر من تاني
وكان نص العباره صريح
ضرورى أن احنا نتقابل
و تحديدا
يادوب ساعتين علي الموعد
و نتقابل و نتلاقي
و نتعاتب و نتصالح
و هتنازل
عشان هي اللي ناويه الخير
سيناريو كتبتوا ب خيالي
لاني اشتقت ليها كتير
هاروح و ألبي رغبتها
و هانسي كل قسوتها
هاكون إنساني في مشاعري
بشوش الوجه ف ملامحي
و هارسم ضحكه ع التجاعيد
و هانسي اني خمسيني
و هاصبغ شعري بالماضي
كأني شاب عشريني
و هارجع جوا منها شباب
و تاني هاقول ل رقتها
ياكل الكون
كتير جدا وحشتيني
لقاء آخر / الجزء الاول / أحمد زيدان
التعليقات مغلقة.