لقتني في عز البرد
علا فياله
ماشي ومش فارق معايا الرعد
وبضحك و مدفي إيدي بكام ذكرى
بكام كلمة وعشرين وعد
لقتني بجري ف وسط المايه
وبرمي المطره ف وش الورد
وبضحك على قلبي
وبضحك ايوه من قلبي
وببني بضحكتي ديا
ف وش الحزن حيطه وسد
مع إني لو هافكر لحظه
هلاقي ناس ماتستاهل
وناس نسيانها مش بالسهل
هلاقي صاحب فارق الدنيا
وكان ليا عزوه وأهل
هلاقي نفسي جوا الحزن
عايش كهل
لكني ابدا ماراح يوم
للحزن هاستسلم
..انا مكمل ومتحمل
وللفرحة أيوه ها مد
مدام جوايا ضحكايه
وجوا الضحكة شكر وحمد
بقلمي علا فياله
المندوب : بسمه عيسى
التعليقات مغلقة.