لكل أدم حووته …. بقلم وحيد علي الجمال
من قبل ميت مليون سنه
كان عمري ناقص كام سنه
والحسبه كانت معضله
السن محسوب بالوايم
وساعات كتير بنقربه
قدمتلك كام مستند
عشان اكونلك مبتدأ
وأكد الخبر اليقين
كان الجواز من غير ورق
ولا ملك ينفع يتوزن
ولا عزبه مكتوبه لأمير
قررت اخوض التجربة
واعملي جنة محندقه
وأساسها كله يكون بسيط
مهر العروسة يكون جمل
وهودجه مفروش حرير
ضحكوا عليه وهرجوا
قالوا اللي عاوز عندنا
يبقالوا بيت و يكون سعيد
محتاج له شقلة م الفلوس
متحزمه ملايين بتسكن
في البنوك
انت غريب مش من هنا
ولا انت جاي قولي منين
عايش معانا زي ينا
ولا من الأساطير
انا كنت جاي قاصد حلب
النوم على دماغي غلب
ساعتين ثلاثه قول سنه
الدنيا مالت باللي نام
حالها اتقلب
قررت اسافر من جديد
قفلوا حدود المستحيل
نصبوا كماين مرعبة
لازم جوازك للسفر
تأشيرة فيه متوثقه
ومغلفة
آدم ماكنشي معترف
بخناقة الولد الكبير
اصل الغراب عمره
ماكان بينهم طرف
والدفن سنه ف البشر
ومؤكدة وفي كل دين
مع مين ياأدم راح تميل
اللي اتقتل ابنك في دمه
لسه سايح
واللي قتل ابنك مابين
ايدك و تايب
قلبه اتقسم نصين
مافهشي لحد نايب
لبست على الموضه جديد
قالوا د واد عايق وفايق
دلعه زيادة وشكله مايع
بكرة الزمن راح يعجنه
يصلب في ضهر يخشنه
والشده تعمل منه راجل
لكل آدم حووته
مكتوبه في الملكوت
رضيت انا بالشرط
سلمت بالمشروط
قلبي انا عاملي من نفسه
فتوة وقوته في الصوت
بيقول على نفسه بطل
وفي اي عركة يفوت
غرقني لما انسطل
في النوه كان بيموت
التعليقات مغلقة.