لما أكتوبر بيجى هنا سعد
لما أكتوبر بيجى
فرحة بتملا
جوّها
من كبيرنا للولاد الصغيرين
بنحسّها
نحكى لولادنا الحكاوي
من جيل لجيل متسلمة
راية بيضا مسلّمة
كل حتة فى أرضنا..
لينا .. لأهلنا ..مش لغيرنا
ستة أكتوبر نشيد
غنناه من صغرنا
كل نصر لشعب مصر
يوم كرامة
كل نصر للعدو
يوم مهانة
الله اكبر
جلجلت وزلزلت
كل الصفوف
الله اكبر
لينا حصن
وفى قلوبهم صبّينا
خوف
نغنى لولادنا الغناوى
بلادى بلادى
أنت ِفعلا فى فؤادى
هفضل كل يوم أنادى
من ساعتها للسنهادى
لآخر يوم فعمري
أنادي
هى دى يا ناس بلادى
مجهود تعاون مش أحادى
كل فرد فينا فادى
لعمرها ولأرضها
افرحى يا مصر قولى:
هم دول يا ناس ولادى
كل اكتوبر نعيش ونفرح
والخير فى ارضا يزيد ويطرح
عقد فل للحبايب
واللى غايب
بكرة يرجع
ويحتفل بعيد بلادى
التعليقات مغلقة.