لما اموت بقلم أحمد إبراهيم النجار
حقوق الملكية الفكرية محفوظه
بتاريخ 16/6/2020
لو هغيب عنك وهرحل
جوة جفني دمع عيني
لو هموت والدمع ينزف
والفراق هيكون مصيري
بالكورونا او بغيرها
لما ينزل دمع عيني
وفجر بكرة لحد غيري
اوعي تنسي في يوم شروقي
والحروف والقصايد
اللي عاشت سكنه فيا
حتي لحظة يوم غروبي
والفراق مكتوب عليا
كله موت والاسم واحد
مش بخاف لو حتي واخد
كل جسدي في التراب
كله فاني ومين بيقعد
او بيهرب او هيهرب
من نصيبه كله فاني
بعد رحلة فيها رقص
بشكل تاني
من مناصب او مكاسب
او تلال من جبال
فيها مرصوصه المصاري
هي لحظه في عمر فاني
مهما زاد المال وطال
والنفوذ والاسامي
والغرور والكنوز والمباني
بعد عمر الكل فاني
والأغاني والمعاني
رقص طبل وكله راحل
بالكورونا او بغيرها
او بدمعة جرح نازف
مش بخاف ولا كنت خايف
يا جبل واقف وصامد
حتي ريح ما تهز رملك
او بتقسم يوم في ضهرك
او بتمحي ف لحظه فجرك
ده الأذان في الكون وعالي
كل سامع انه فيه
الله اكبر
الله اكبر
ملك واحد رب واحد
اللي خالق واللي رازق
والحياة رحلة وفيها
كل واحد فينا فاني
كل واحد فينا فااااااااااااني
وحتي مشطوبة الاسامي
لو هغيب عنك وهرحل
جوة جفني دمع عيني
لو هموت والدمع ينزف
والفراق هيكون مصيري
بالكورونا او بغيرها
او بدمعة جرح نازف
مش بخاف ولا كنت خايف
بقلم الشاعر المصري أحمد إبراهيم النجار
التعليقات مغلقة.