لما عزيزك…شعر حسن أبو عرب
لما تشوف الأم بتبكي
ودموعها ع الخَد تسيل
لما سنين العمر تعدي
وربيعها يعلن لرحيل
لما الجبل الشامخ يشكي
يِصَّدع وصخُوره تهِيل
والطير اللي مهاجر يصرُخ
آه من غُربه خنيقه وويل
آه من ناس بضمير حبيتها
من خير ربي ف يوم واعطيتها
عَضُّوا الإيد اللي نا مديتها
صبحوا السد ف وِش النيل
فبلاش تبدي أي ندامه
لما تشوف الخسه شهامه !!
ويبأي يا دنيا عليكي سلامه
لما عزيزك يبأي ذليل!!….
التعليقات مغلقة.