بالعاميه بقلم د هبه صبحى البدوى
“لملمت كتاكيتى”
لملمت كتاكيتى
لجوه العش
من زمان سارحين
بعيد فى القش
فى اللعب مشغولين
والليل علينا خش
وقالو فيه متخبى
تعلب لئيم بيقش
لمحت ديله بس
غير كده ماشفتش
تعالو جوه الدار
أحسن علينا يخش
قالولى إنه…. مالوش فى الصغار
ده عاوز فرخه حلوة…..
أو ديك طويل العرف
لكن طلع واطى
ما يصيد غير العجايز
والمكسروين الجناح
ولما جاله حبيبى بالبندقيه الرش
إداله علقه موت
مشى… وما شفناله وش
بس أنا لسه خايفة
أصله لئيم…. بيغش
ده فجأه ممكن يظهر
ويأش فينا أش
خلينا جوه الدار
مش هيلقا حدياكله
هيموت……
الجوع هيحشه حش
ولما نسمع خبره
نخرج وروحنا ترد
نلعب…. وهنفرفش
ناكل فطير مع مش
داخل علينا الربيع
وحبيبى هش وبش
شم النسيم يا ولاد
هات حزمه النعناع
علقها فوق الباب
رشرش عبيره رش
والفرح هيجى أكيد
وساعتها لما يخبط
نفتحله وسع الباب
دى الدنيا فرشاله فرش
جوه وبره خضار
يا مرحبا يامرحبا
ياعم فينك من زمان
يلا ……تعالى خش
التعليقات مغلقة.