لمين اشكي….. شعر السيد الشيتي
لمين اشكي وانا ال ف دنيتي تايه. انا الملهوف
وانا ال يومياتي بتألم وأموت م الخوف
وبحزن لما اشوف الحق يتكلم بصوت مخطوف
دانا عايش ف دنيايا كأني أسير
ف دنيا كلها ضايعه معدش كبير
وناس تايهه حياتها كلها طوابير
لمين اشكي وانا اخرس وليا لسان
بقينا ف سوق صحيح فاضى لكن مليان
ف نفسي احس لو مره ان انا انسان
وصعب عليا اعيش أعمى وليا عيون
اشوف الحق والباطل بنفس اللون
ولوقلت الحقيقة ف يوم اكون مجنون
وهشكي ازاي وعزة نفسي بتلومني
وجرح زماني بيعاني ويألمني
ولما افرح بيسرق فرحتي مني
وبضحك بس جوايا مخاصمني
ياامو الغلابه ال الزمان ناسي اساميهم
ضاعوا الغلابه من زمان تاهت خطاويهم
مستنيين لمسة حنان بايديكي تحييهم
يامصر ياامو الإيمان. ياريت ماتنسيهم
التعليقات مغلقة.