لن تركعى شعر / حسن أبوعرب
يا أرض بلدي المؤمنه
ضميني لاحضانك أوي
مِسكِك ترابك مرقَدِي
صحي الضميراللى اتعدم
داوي الجراح يِهدَى الألم
ياكُل حرفي الأبجدي
أنا مِنَّهَا عاشق سماها وأرضها
للرايه رافع والعلم
فى اديَّا ماسِك مدفَعِي
يَلَّا ادفَعِي ليل الدُجَى
دا العمر هان والفجر بان
قُومِي افرحِي
بس أمانه والنبي
ماتدَمَّعِي
لو قالوا مات
والدم سال فوق الرفَات
رملِك طَرَح مِسك وفَرَح
مليون شهيد بيوَدعِك
وانا مِنِّهُم
حالفين يابلدي نرَجَعِك
ونسَمَّعِك لحن السلام
مع نسمة الصُبح النَدِي
ياكُل عُشَاق البلد
يَلَّا ادخلُوهَا آمنين
بلد الرجال المؤمنين
يامصرِنَا
أبدا مُحال يوم تِركَعِي
أبدا مُحال يوم تِركَعِي..
التعليقات مغلقة.